News

View all

Binəqədi məktəblilərinin “Ölkəmizi Tanıyaq” tur-aksiyası çərçivəsində Gəncə-Göygöl- Şəmkir istiqamətinə yola salınmaları münasibətilə tədbir keçirildi

11/19/2018 4:35 PM
“Ölkəmizi Tanıyaq” tur-aksiyası çərçivəsində Binəqədi məktəblilərinin Gəncə-Göygöl-Şəmkir istiqamətinə yola salınmaları münasibətilə tədbir keçirildi. Tədbirdə Binəqədi Rayon İcra Hakimiyyətinin başçısı Elxan Allahverdiyev, başçının müavinləri, Yeni Azərbaycan Partiyası Binəqədi Rayon Təşkilatının sədri Ramiz Göyüşov, rayon Gənclər və İdman İdarəsinin rəisi Elvin Aslanov, aparatın şöbə müdirləri, məktəb direktorları, İctimai birliklərin rəhbərləri, veteranlar, valideynlər, ASAN Könüllüləri, “Ölkəmizi tanıyaq” tur aksiyasının iştirakçıları iştirak etdilər. Əvvəlcə ümummilli lider Heydər Əliyevin YAP Binəqədi Rayon Təşkilatının inzibati binasının qarşısında ucaldılan abidəsi önünə gül qoyuldu. Tədbirdə 284 nömrəli tam orta məktəbin direktoru Nizami Novruzov, 299 nömrəli məktəb-liseyin şagirdi - Nuray Məmmədzadə, 313 nömrəli tam orta məktəbin şagirdi Tural Qasımov, valideynlər adından “Ölkəmizi tanıyaq” tur-aksiya iştirakçısı Əli Dadaşzadənin atası Emin Dadaşzadə çıxış edərək təəssüratlarını bölüşdülər. Binəqədi Rayon İcra Hakimiyyətinin başçısı Elxan Allahverdiyev çıxışında “Ölkəmizi tanıyaq” layihəsinin yüksək əhəmiyyətini vurğulayaraq, tur-aksiya iştirakçılarına uğurlar arzuladı. Daha sonra tədbir bədii hissə ilə davam etdirildi, vətənpərvərlik mövzusunda şeirlər səsləndirildi, mahnılar ifa olundu. Məktəblilər milli musiqi sədaları altında avtobusla Gəncə istiqamətinə yola düşdülər.
Read more

Partners

Facebook