News

View all

Nərimanov rayonunda Ümummilli Liderimiz Heydər Əliyevin anadan olmasının 95 illiyi münasibəti ilə mini futbol turnirinin final oyunu və mükafatlandırma mərasimi keçirilib

4/25/2018 5:00 PM
25 aprel 2018-ci il tarixdə 178 saylı tam orta məktəbin futbol meydançasında Nərimanov Rayon Gənclər və İdman İdarəsinin təşkilatçılığı ilə rayon ərazisində fəaliyyət göstərən ali və orta ixtisas təhsil müəssisələrinin pedaqoji kollektivləri arasında Ümummilli Liderimiz Heydər Əliyevin anadan olmasının 95 illiyi münasibəti ilə mini futbol üzrə rayon turnirinin final oyunu və mükafatlandırma mərasimi keçirilib. Turnirin keçirilməsində məqsəd Ümummilli Liderimiz Heydər Əliyevin xatirəsini yad etmək, gənc kadrların fiziki sağlamlığını inkişaf etdirmək və idmana olan maraqlarını daha da artırmaq, kütləvi bədən tərbiyəsinə və idmana olan münasibəti hər tərəfli formalaşdırmaqdır. Qeyd edək ki, turnirdə 7 komanda iştirak etmiş: Azərbaycan Turizm və Menecment Universitetinin, Azərbaycan Dövlət Bədən Tərbiyəsi və İdman Akademiyasının, Azərbaycan Kooperasiya Universitetinin, Azərbaycan Dövlət İqtisad Universitetinin, Azərbaycan Dillər Universitetinin, Bakı Humanitar Kollecin və Bakı Biznes və Kooperasiya Kollecin komandaları. Turnirdə I yeri Azərbaycan Dövlət Bədən Tərbiyəsi və İdman Akademiyasının komandası, II yeri Azərbaycan Kooperasiya Universitetinin komandası, III yeri isə Azərbaycan Turizm və Menecment Universitetinin komandası tutmuşdur. Turnirin bağlanış mərasimində çıxış edən Nərimanov Rayon Gənclər və İdman İdarəsinin rəisi, Yeni Azərbaycan Partiyası Nərimanov Rayon Təşkilatının sədr müavini Nəcəf Novruzov dahi rəhbər Heydər Əliyevin misilsiz tarixi xidmətlərindən, böyük xilaskarlıq rolundan danışmışdır. Ulu öndər Heydər Əliyev siyasətinin, zəngin dövlətçilik təcrübəsinin əhəmiyyətini diqqətə çatdıran natiq, Ümummilli Liderin ideyalarının Azərbaycan Prezidenti Cənab İlham Əliyev tərəfindən əzmlə həyata keçirildiyini bildirmişdir. Qalib komandalar İdarə tərəfindən diplom və medallar ilə təltif edilmişlər.
Read more

Ümummilli lider Heydər Əliyevin anadan olmasının 95 illik yubileyi münasibətilə Azərbaycan Respublikası Dövlət Təhlükəsizliyi Xidmətinin Heydər Əliyev adına Akademiyasının "Şöhrət" muzeyinə ekskursiyası təşkil edilmişdir

4/25/2018 4:20 PM
25 aprel 2018-ci il tarixində Xətai rayonunun bir qrup gənclərinin Ümummilli Lider Heydər Əliyevin anadan olmasının 95 illik yubileyi münasibətilə Azərbaycan Respublikası Dövlət Təhlükəsizliyi Xidmətinin Heydər Əliyev adına Akademiyasının "Şöhrət" muzeyinə ekskursiyası təşkil edilmişdir. Ekskursiya çərçivəsində muzey haqqında gənclərə ətraflı məlumat verilmişdir. Bildirilmişdir ki, muzey Ümummilli Lider Heydər Əliyevin xatirəsini əbədiləşdirmək, həyat və fəaliyyətinin, nəsillərə örnək olan mənalı ömür yolunun və irsinin öyrənilməsini, gələcək nəsillərə çatdırılmasını, Azərbaycan gəncliyinin Heydər Əliyev amallarına sədaqət ruhunda tərbiyə olunmasını təmin etmək məqsədilə yaradılmışdır. Unikal məzmuna və nəfis tərtibata malik olan "Şöhrət" muzeyini, eləcə də Ümummilli Lider Heydər Əliyevin muzey qarşısında ucaldılmış möhtəşəm abidəsini Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev 2006-cı il mart ayının 27-də Akademiyaya səfəri zamanı açmışdır. "Şöhrət" muzeyi ilə yaxından tanış olan Prezidentimiz möhtərəm İlham Əliyev muzey haqqında ürək sözlərini xatirə kitabına yazmışdır. Qeyd olunmuşdur ki, "Şöhrət" muzeyində dahi şəxsiyyətin örnək ömür yolunu dolğun və ətraflı çatdıran dəyərli ekspozisiyalar şərti olaraq dörd mərhələni əhatə edir: Uşaqlıq və gənclik dövrü; Dövlət təhlükəsizlik orqanlarında işlədiyi dövr; Azərbaycana rəhbərlik etdiyi və SSRİ kimi nəhəng bir dövlətin siyasi olimpində təmsil olunduğu dövr; Müstəqil Azərbaycanın memarı kimi fəaliyyət dövrü. Muzeyin eksponat və stendlərində olan nadir fotoşəkillər, sənədlər, arxiv materialları, Ümummilli Lider Heydər Əliyevin həyat və fəaliyyətini, ömür yolunu, bütün varlığı ilə bağlı olduğu Azərbaycanın hərtərəfli inkişafı, müstəqilliyimizin qorunub saxlanılması, əbədi və dönməz olması, xalqımızın tərəqqisi naminə gördüyü misilsiz işləri, o cümlədən həyatının 25 ilini həsr etdiyi dövlət təhlükəsizlik orqanlarındakı iş dövrünü, onun şəxsən həyata keçirdiyi və peşəkarlıq zirvəsinin nümunələri olan əməliyyatlar haqqında məlumatları əks etdirir. Bu baxımdan "Şöhrət" muzeyi respublikamızda Ulu öndərin zəngin və mənalı həyatını və fəaliyyətini əks etdirən unikal muzeylərdəndir.
Read more

Partners

days
hours
minutes

Facebook