Tarix: 07.09.2019 12:00
Mənbə:
Baxışlar: 67

“Nə? Harada? Nə zaman?” İntellektual oyunu üzrə XVII Dünya Çempionatı keçirilir

       Bu gün,  7 Sentyabr, 2019-cu il  “Boulevard Hotel”- də Azərbaycan Respublikası Gənclər və İdman Nazirliyinin maliyyə dəstəyi, Azərbaycan İntellektual Klublar Assosiasiyasının təşkilatçılığı ilə “Nə? Harada? Nə zaman?” İntellektual oyunu üzrə XVII Dünya Çempionatının açılış mərasimi baş tutub.

Tədbirdə Gənclər və idman naziri Azad Rəhimov, Vergilər naziri Mikayıl Cabbarov və digər rəsmilər iştirak edir.  

Azərbaycanın 11 komanda ilə qatıldığı Çempionatda ümumilikdə 29 ölkədən (Azərbaycan, Avstriya, Böyük Britaniya, Belarus, Almaniya, Gürcüstan, İsrail, İspaniya, Qazağıstan, Kanada, Kipr, Qırğızıstan, Latviya, Litva, Moldova, Niderland, Polşa, Rusiya, ABŞ, Tacikistan, Türkmənistan, Özbəkistan, Ukrayna, Finlandiya, Fransa, Çexiya, İsveçrə, İsveç, Estoniya) 75 komanda iştirak edir.

          Qeyd edək ki, Azərbaycanda intellektual oyunların inkişafına ölkə rəhbərliyi tərəfindən hər zaman xüsusi diqqət yetirilir. 2002, 2003 və 2004-cü illərdə Azərbaycan Respublikasının Prezidenti cənab İlham Əliyevin təşəbbüsü ilə “Nə? Harada? Nə zaman?” İntellektual oyunu üzrə ilk Dünya Çempionatları da məhz Bakı şəhərində keçirilib.

     Sayca XVII olan bu Çempionatın Azərbaycanda keçirilmə qərarı 20 oktyabr 2018-ci il tarixdə Azərbaycan İntellektual Klublar Assosiasiyasının müraciəti əsasında “Nə? Harada? Nə zaman?” Beynəlxalq Klublar Assosiasiyası tərəfindən qəbul edilmişdir. Çempionat 8 sentyabr tarixində bitəcək.