SUMQAYIT ŞƏHƏRİNDƏ İLK İNTELLEKTUAL TELEVİZİYA OYUNUNA START VERİLDİ Gənc İstadadlara Dəstək Fondu (GİDF) Azərbaycan Respublikası Gənclər və İdman Nazirliyinin maliyyə dəstəyilə cari ilin yanvar ayından “Sumqayıt şəhərinin orta ümumtəhsil məktəblərinin IX-XI sinif şagirdləri arasında “Erudit” intellektual televiziya oyununun keçirilməsi” adlı layihənə başlanmışdır.

“Biz Regionlarda AİDS Görmürük”GƏNCLƏR KAMPANİYASI haqqında “Azad Gənclər” İctimai Birliyi Azərbaycan Respublikası Gənclər və İdman Nazirliyinin maliyyə dəstəyi ilə "Biz Regionlarda AİDS Görmürük" adlı layihənin icrasına başlamışdır. Layihənin əsas məqsədi "Biz Regionlarda AİDS Görmürük" adlı Gənclər Kapmaniyası aparmaqla gənclər arasında sağlam həyat tərzini təbliğ etmək və onları əsrin təhlükəli xəstəliyi hesab olunan AİDS-dən qorumaqdır. Qazax rayonunda adı çəkilən layihə uğurla həyata keçirilmişdir.

İdmançımız finalda Azərbaycanı Qətərdə yüngül atletika üzrə keçirilən Dünya çempionatında təmsil edən Layeş Abdullayeva 8. 49. 65 hesabı ilə finala vəsiqə qazanmışdır.

Fəxri gənc Azərbaycanın fəxri gənci bu gün saat 18:30 da Beynəlxalq Muğam Mərkəzində mükafatlandırılacaq. 2001 – ci ildə Azərbaycan Respublikası Gənclər və İdman Nazirliyi və Azərbaycan Respublikası Gənclər Təşkilatları Milli Şurası Azərbaycan gənclərinin beynəlxalq, regional və ölkədaxili səviyyədə əldə etdiyi nailiyyətləri nəzərə alaraq, istedadlı gənclərin üzə çıxarılması, onların bilik və bacarığını dövlət müstəqilliyimizin möhkəmlənməsinə və demokratik dövlət quruculuğu işlərinə yönəldilməsi, bədən tərbiyəsi və idmanın inkişafı, beynəlxalq gənclər təşkilatları ilə əməkdaşlığın genişləndirilməsi, savadlı və perspektivli gənclərin Azərbaycanın milli maraqları və mənafeyi naminə xidmətlərinin daha da stimullaşdırılması və ümumilikdə gənclər işinin inkişafına tövhə vermək məqsədi ilə “Fəxri Gənc” mükafatını təsis etmişdir.

İordaniya və Azərbaycan gəncləri artıq daha sıx görüşəcək Bu gün Gənclər və İdman Naziri Azad Rəhimov İordaniya Haşimilər Krallığının Gənclərlə iş üzrə Ali Şurasının Baş Katibliyinin rəsmi nümayəndə heyətini qəbul edib.

İordaniya rəsmiləri Azərbaycanda 9 mart 2010-cu il tarixdə İordaniya Haşimilər Krallığının Gənclərlə iş üzrə Ali Şurasının Baş Katibliyinin rəsmi nümayəndə heyətinin Azərbaycana səfəri başlamışdır. Nümayəndə heyətinin tərkibində Dr. Sari Hamdan (Cənab)- İordaniya Haşimilər Krallığının Gənclərlə iş üzrə Ali Şurasının Baş katibi, Milli Olimpiya Komitəsinin Vitse-prezidenti, nümayəndə heyətinin rəhbəri, Cənab Abdurrəhman Armuti-Gənclər hərəkətinin təşviqi üzrə Milli Fondun baş direktoru, Cənab Arif İshakat-Beynəlxalq təşkilatlar bölməsinin rəisi və Xanım Narin Haj Tass- Milli Olimpiya Komitəsinin nümayəndəsi var.

Azərbaycan gənclərini Avropa Şurasında Fərhad Hacıyev təmsil edəcək Gənclər və idman Nazirlyinin gənclərlə iş şöbəsinin müdiri Fərhad Hacıyev Avropa Şurasının gənclərlə iş sahəsi üzrə hökumətlərarası Komitə Bürosunun üzvü seçilib. Bu qərar Strasburqda Avropa Şurasının keçirdiyi iclasda verilib. Qeyd edək ki, Fərhad Hacıyev 2006-2009-cu illərdə Avropa Şurası gənclərlə iş sahəsi üzrə proqram komitəsinin sədri kimi fəaliyyət göstərib və hal hazırda da bu iş davam edir.

İdarəetmə və İqtisadiyyat üzrə Milli Yarışın finalı Gənclər və İdman Nazirliyinin dəstəyi ilə həyata keçiriləcək növbəti layihə 10 Mart 2010-cu il tarixi, saat 1430-da, “Avropa” mehmanxanasının “Bakı” zalında gerçəkləşəcək. Beləliklə, “Junior Achievement Azərbaycan” təşkilatı 2010-cu ilin İdarəetmə və İqtisadiyyat üzrə Milli Yarışının final mərhələsini keçirəcək.

Gənc modelyerlərin festivalı Moda sahəsində fəaliyyət göstərən gənc xanım modelyerlərin üzə çıxması və bu sahəyə gənclərin marağının artırılması məqsədi ilə Gənclər və idman Nazirliyi tərəfindən 10 mart 2010-cu il tarixdə saat 19-00-da Park İnn otelinin “Dan Ulduzu” zalında gənc xanım modelyerlərin festivalı keçiriləcək. Bu layihə gənclərin asudə vaxtlarının səmərəli və mənalı təşkilini təmin etməklə yanaşı, 8 mart Beynəlxalq Qadınlar bayramı münasibəti ilə xanımlar üçün hədiyyə olacaq.

Azərbaycan idman ictimaiyyəti 5 mart bayramını qeyd etdi Azərbaycan idman ictimaiyyəti 5 mart bayramını qeyd etdi

Gənclərimizin internet təhlükəsizliyi və mədədniyyəti Azərbaycan Respublikasının Gənclər və İdman Nazirliyinin maliyyə dəstəyi ilə Azərbaycan Demokratik İslahatçı Gənclər Birliyi (DİGB) "Gənclər arasında internet mədəniyyətinin formalaşması və internet təhlükəsizliyi”" layihəsinin icrasına başlamışdır. Layihənin əsas məqsədləri ölkə gənclərinin və yeniyetmələrin informasiya cəmiyyəti, İnternet mədəniyyəti, internet təhlükəsizliyi üzrə maarifləndirilməsi məqsədilə təlimlər keçmək, gənclərimizin bu sahədə inkişafında qarşılaşdıqları problemlər və onun aradan qaldırılması yollarını araşdırmaqdır. Qeyd edək ki, bu bu istiqamətdə artıq məktəblilər üçün nəzərdə tutulan təbliğat xarakterli divar kağızları nəfis tərtibatda artıq nəşr olunmuşdur ki, “İnternet mədəniyyəti və təhlükəsizliyi” adlı kitabçanın da yaxın günlərdə nəşr olunacağı gözlənilir.

5 mart Bədən Tərbiyəsi və İdman günüdür 5 mart tarixində Azərbaycanın idman cəmiyyəti idman gününü qeyd edəcək.

Yunan-Roma güləşçilərimiz növbəti beynəlxalq sınaqda Martın 06-07-də yunan-Roma güləşi üzrə komandamız Macarıstanda Qızıl-qran Pri turnirində iştirak edəcək. Baş məşqçi Elçin Cəfərovun və məşqçi Akif Əliyevin rəhbərliyi altında turnirə yollanacaq komandamızın heyəti artıq müəyyənləşib.

"Böyük ipək yolu" beynəlxalq turniri 3-7 mart 2010-cu il tarixində Sərhədçi İdman Kompleksində gənclər arasında boks üzrə "Böyük ipək yolu" beynəlxalq turnirinə start verilib. Turnirə 7 ölkə - Rürkiyə, Qazaxıstan, Özbəkistan, Gürcüstan, Əlcəzair, Rumıniya və Azərbaycan 91 idmançı ilə qatılıb. Azərbaycan bu turnirdə 33 idmançı ilə iştirak edir.

Azərbaycanın kayak üzrə yeganə beynəlxalq dərəcəli idman ustası Rostislav Nikolayevski vəfat edib Azərbaycanın avarçəkmə idmanına itki üz verib. Kayak qayıqlarında avarçəkmə üzrə Azərbaycanın yeganə beynəlxalq dərəcəli idman ustası Rostislav Nikolayevski vəfat edib.