15 may 2012-ci il tarixdə Gənclər və İdman Nazirliyi tərəfindən Avropa İttifaqının Avropa Komissiyasının "Gənclər fəaliyyətdə" proqramında gənclər təşkilatlarının iştirak səviyyəsinin artırılması mövzusunda seminar keçirilmişdir.

Mayın 16-da Polşanın Poznan şəhərində kayak və kanoe üzrə 2012-ci il London Yay Olimpiya Oyunlarına lisenziya xarakterli Avropa Olimpiya Təsnifatı (European Olympic Qualifier) start götürüb. Yarışda Azərbaycanı kanoe növündə təmsil edən Adnan Əliyev 2012-ci il London Yay Olimpiya Oyunlarına lisenziya qazana bilməyib. 

15 may 2012-ci il tarixində Gənclər və İdman Nazirliyi və Azərbaycan Tələbə Gənclər Təşkilatları İttifaqının (ATGTİ) Azərbaycanda tələbələr arasında ilk dəfə olaraq gerçəkləşdirdikləri "Univision" mahnı müsabiqəsinin yarımfinal mərhələsi baş tutdu.

"Dünya Türk Gəncləri Birliyi" (DTGB) 17 may 2012-ci il tarixində Türkiyənin Ankara (Kızılcahamam) şəhərində "DTGB 11-ci Liderlər toplantısı" nı keçirməyə hazırlaşır.

Mayın 18-də Polşanın Poznan şəhərində kayak və kanoe üzrə Dünya Kubokunun I mərhələsi start götürəcək. 3 gün davam edəcək yarışda Azərbaycanı 4 kanoeçi təmsil edəcək. 

16 may 2012-ci il tarixində Gəncə Olimpiya İdman Kompleksinin üzgüçülük hovuzunda "Ümummilli lider Heydər Əliyevin Xatirəsinə" həsr olunmuş üzgüçülük üzrə beynəlxalq turnir keçiriləcək.

Gənclər və İdman nazirliyi və Azərbaycan Tələbə Gənclər Təşkilatları İttifaqının (ATGTİ) birgə olaraq Azərbaycanda ilk dəfə reallaşdırdıqları tələbələr arasında "Univision" mahnı müsabiqəsinin bu gün yarımfinal mərhələsidir.

19-20 may 2012-ci il tarixdə Rusiya Federasiyasının Saransk şəhərində yunan-Roma güləşi üzrə böyüklər arasında Dünya Kuboku keçiriləcək. 

15 may 2012-ci il tarixdə saat 11.00-da Kempinski hotel Badamdarda Gənclər və İdman Nazirliyi "Gənclər fəaliyyətdə" proqramında gənclər təşkilatlarının iştirak səviyyəsinin artırılması mövzusunda Seminara start verəcək.

Bakıda keçiriləcək "Eurovision-2012" mahnı müsabiqəsinə az bir vaxt qaldıqca ölkəmizə təşrif buyuran əcnəbi qonaqların sayı da durmadan artır.

Mərasimdə Azərbaycan Tələbə Gənclər Təşkilatları İttifaqının (ATGTİ) sədri Şahin İsmayılov, Respublikanın əməkdar artisti Tünzalə Ağayeva, Gənclər və İdman nazirliyinin mətbuat katibi Səmayə Məmmədova və Muz tv-nin nümayəndəsi Tamara Çayxorskaya iştirak edirdilər.

10 may tarixində Yunanıstanda Olimpiya məşəlinin yandırılma mərasimində iştirak edən gənclər və idman naziri Azad Rəhimov bu ölkədə səfəri çərçivəsində bir sıra görüşlər keçirmişdir.

Mayın 16-da Polşanın Poznan şəhərində kayak və kanoe üzrə 2012-ci il London Yay Olimpiya Oyunlarına lisenziya xarakterli Avropa Olimpiya Təsnifatı (European Olympic Qualifier) start götürəcək.

Beləliklə Azərbaycanda ilk dəfə olaraq tələbələr arasında 17 may tarixində Heydər Əliyev adına Sarayda keçiriləcək "Univision" mahnı müsabiqəsinin qalibinin qazanacağı məbləğ bəlli oldu.

10 may tarixində Yunanıstanda Olimpiya məşəlinin yandırılma mərasimi keçiriləcək.

Azərbaycanda ilk dəfə olaraq tələbələr arasında 17 may tarixində Heydər Əliyev adına Sarayda keçiriləcək "Univision" mahnı müsabiqəsinin devizi artıq bəlli oldu.

May ayının 6-dan başlayaraq Qvatemalanın Antiqua şəhərində ağırlıq qaldırma atletika idman növü üzrə gənclər arasında Dünya birinciliyinə start verilir.

Müsahibim Güləş Federasiyasının baş katibi Əjdər Cəfərovdur.

Müsahibim yunan-roma güləşi üzrə yığma komandanın baş məşqçisi Saleh Boradır. 

Dünya Kubokunun I mərhələsində
Viktoriya Nençeva - İskra Angelova dueti 11-ci, Boris Yotov 21-ci yeri tutub

(Səmayə Məmmədova)-S.M: Firdovsi müəllim, artıqsərbəst güləş üzrə lisenziya xarakterli yarışlar bitti. Ümumilikdə sərbəst güləşçilərimizin qazandıqları lisenziyalara nəzər salsaq, sərbəst güləş üzrə yığma komandanın böyük məşqçisi kimi vəziyyəti necə qiymətləndirə bilərsiniz?

Düzü Mahmud Maqomedovun haqsız məğlubiyyətindən sonra həddən ziyadə çox əsəbi olan böyük məşqçi Firdovsi Umudov, eləcə də Mahmudun özü ilə də danışmağa çətinlik çəkirdim.

Finlyandiya ilk dəfədir ki, 78 ölkədən 500 idmançını qəbul edir. London Yay Olimpiya oyunlarına vəsiqə qazandıran güləş üzrə dünya çempionatının Finlyandiya üçün ilk böyük yarış olduğunu desəm yanılmaram.

Azərbaycan akademik avarçəkənləri Serbiyanın paytaxtı Belqradda keçirilən Dünya Kubokunun I mərhələsində mübarizəyə başlayıblar. Yarışda ölkəmizi 2 kişi, 3 qadın avarçəkən təmsil edir. Onlardan Nataliya Mustafayeva ilk cəhddəcə uğurla çıxış edərək, yarımfinala yüksəlib. 

Təşkilatçılar: Gənclər və İdman Nazirliyi və "Gənclər İntellektual İnkişaf Mərkəzi" İctimai Birliyi

Keçiriləcəyi yer: Kempinski Hotel-Badamdar kompleksinin "Qəbələ" zalı

Keçiriləcəyi vaxt: 04 may 2012-ci il, saat 16:00-da

Gənclər və İdman Nazirliyi və Azərbaycan Tələbə Gənclər Təşkilatları İttifaqının (ATGTİ) birgə təşəbbüsü ilə Azərbaycanda ilk dəfə olaraq tələbələr arasında "Univision" yarışması həyata keçiriləcək.

Bu gün Qırğızıstanın paytaxtı Bişkek şəhərində gənclər və idman nazirinin müavini İntiqam Babayev və Qırğızıstanın gənclər, məşğulluq və əmək naziri Aliasbek Alimkulov arasında 2012-2013-cü illəri əhatə edən tədbirlər planı imzalanıb.

Artıq on dörd ildir ki, Avropa Şurasının «Beynəlxalq Mədəni İrs Fotoqrafiya Təcrübəsi» layhəsinin Azərbaycan Respublikasında keçirilməsinin təmin edilməsi, Azərbaycanın zəngin mədəni irsinin, mənəvi-əxlaqi dəyərlərinin dünya mədəniyyətinin tərkib hissəsi kimi təbliğ olunması, gənclərə Vətənə məhəbbət hisslərinin aşılanması məqsədi ilə respublikanın əksər reqionlarını əhatə edən gənc fotoqraflar arasında, "Mədəni İrsimiz-Tarixi Dəyərimiz" müsabiqəsi keçirilir.

Londonda keçiriləcək XXX Yay Olimpiya oyunlarına Azərbaycanın artıq 50 idmançısı iştirak etmək hüququ qazanıb.

Çinin Tayuan şəhərində keçirilən London Yay Olimpiya Oyunlarına vəsiqə verən Dünya təsnifat turniri başa çatıb.

Çinin Tayuan şəhərində keçirilən London Yay Olimpiya Oyunlarına vəsiqə verən Dünya təsnifat turnirinin son günündə güləşçilərimiz daha 4 lisenziya qazana bilər.

Çinin Tayuan şəhərində keçirilən London Yay Olimpiya Oyunlarına vəsiqə verən Dünya təsnifat turnirinin ikinci günündə yığma komandamız daha bir lisenziya qazanıb. Bu, güləş yığmalarımızın qazandığı 12-ci lisenziyadır.

ISESCO-nun və Azərbaycan Respublikasının Gənclər və İdman Nazirliyinin dəstəyi ilə 2012-ci ilin aprel ayının 27-28-də Bakıda “İslam Dünyasıi gənclərinin Klassik Musiqi ifaçılarının 1-ci beynəlxalq müsabiqəsi” keçiriləcəkdir. Müsabiqədə 20 yaşınadək gənclərin qatılacağı müsabiqədə 28 ölkənin (Türkiyə, Misir Ərəb Respublukası, Mərakeş, Küveyt, Qazaxstan, Özbəkistan, Rusiya (Tatarstan), Azərbaycan) istedadlı gənci finala çıxmaq uğrunda iki yaş qrupu üzrə beynəlxalq münsiflər heyəti qarşısında çıxış edəcəklər

Başlıqlı qanvermə aksiyası  30 aprel – 4 may 2012-ci il tarixlərində Azərbaycan Respublikasının Gənclər və İdman Nazirliyi və  Azərbaycan Tələbə Gənclər Təşkilatları İttifaqı ilə birgə gerçəkləşəcək. 

"Sərhədçi" İdman Olimpiya Mərkəzində Azərbaycan Güləş Federasiyasının Kuboku uğrunda sərbəst və yunan-Roma güləşi üzrə yeniyetmə və gənclər arasında beynəlxalq turnir davam edir.

ABŞ-ın Ticarət Palatasının Azərbaycandakı Nümayəndəliyi və Junior Achievement Azərbaycan təşkilatı orta məktəb şagirdləri və universitet tələbələri üçün təşkil olunan 2012-ci ilin “İqtisadiyyat və İdarəetmə üzrə Milli Yarış”ın final mərhələsini 27 aprel 2012-ci il tarixi saat 15.30-da  Park İnn mehmanxanasının “Dan ulduzu” zalında keçirir. 

Azərbaycanın olimpiya çempionları Fərid Mansurov, Zemfira Meftihəddinova, futbol üzrə milli yığma komandanın oyunçusu Rauf Əliyev və Eurovision 2011 mahnı müsabiqəsinin qalibi Eldar Qasımov dünya şöhrətli “Eurosport” kanalının Azərbaycan haqqında çəkdiyi 13 dəqiqəlik “Pass sport ”filmində iştirak ediblər.

Gənclər və İdman Nazirliyinin dəstəyi və təşkilatçılığı ilə hər il “SİFE” Azərbaycan nümayəndəliyi ilə birgə “SİFE” proqramı üzrə milli yarışlar keçirilir və qalib komanda Dünya kuboku yarışlarına ezam edilir. 

Gənclər və İdman Nazirinin müavini İntiqam Babayev Kurqan vilayətinin Baş təhsil idarəsinin rəis müavini Lyubov Bobkovanın rəhbərlik etdiyi nümayəndə heyətini qəbul edib.

Aprelin 27-29-da Çinin Tayuan şəhərində London Yay Olimpiya Oyunlarına vəsiqə verən Dünya təsnifat turniri keçiriləcək.

Gənclər və İdman Nazirliyi tərəfindən aprel ayının 23-də, "PARK İNN" mehmanxanasının "Dan ulduzu" zalında "Azərbaycan Respublikasında təhsil alan əcnəbi tələbələr arasında Azərbaycan tarixi və coğrafiyası üzrə I Respublika intellektual olimpiada"sı keçirildir.

Bu gün gənclər və idman naziri Azad Rəhimov Dünya şöhrətli atlet Kolin Jekson (Colin Jackson), İngiltərə Futbol Assosiasiyasının sabiq İcraçı Direktoru, tanınmış idman jurnalisti Devid Devis (David Davies) və "Beynəlxalq İdman Həyəcanı" proqramının regional rəhbəri Elayas Musanqeyi qəbul edib.

Aprelin 18-20-də Daşkənd şəhərində İntellektual oyunlar üzrə 2-ci açıq "Asiya kuboku" keçirildi.

London 2012-yə vəsiqə qazanmış idmançıların siyahısı

Dünya şöhrətli atlet Kolin Jekson (Colin Jackson), İngiltərə Futbol Assosiasiyasının sabiq İcraçı Direktoru, tanınmış idman jurnalisti Devid Devis (David Davies) "İnkişaf Naminə İdman" İctimai Birliyinin təşkil etdiyi Azərbaycanda Beynəlxalq İdman Həyəcanı İrsinin iki illik yubileyi münasibətilə ölkəmizdə qonaqdırlar.

FOTOSESSİYA - Lisenziya turniri

Bolqarıstanın paytaxtı Sofiyada London Yay Olimpiya Oyunlarına vəsiqə verən Avropa təsnifat turniri başa çatıb.

Bolqarıstanın paytaxtı Sofiyada London Yay Olimpiya Oyunlarına vəsiqə verən Avropa təsnifat turniri davam edir.

Bolqarıstanın paytaxtı Sofiyada keçirilən Olimpiya Oyunlarına vəsiqə verən Avropa təsnifat turnirində ikinci gün güləşçilərimiz daha bir lisenziya qazandı.

Bolqarıstanın paytaxtı Sofiyada London Yay Olimpiya Oyunlarına vəsiqə verən Avropa təsnifat turniri davam edir.

Bu gündən Bolqarıstanın paytaxtı Sofiyada London Yay Olimpiya Oyunlarına vəsiqə verən Avropa təsnifat turniri start götürür.

Aprelin 19-da Küveytin dövlət komitəsində Gənclər və idman naziri Azad Rəhimov və Küveyt Dövlətinin Gənclər və İdman Dövlət Komitəsinin Sədri, general Feysal Əl Cəzzaf arasında geniş müzakirələr aparıldı.

Gənclər və İdman Nazirliyi tərəfindən hər il tələbələr arasında müxtəlif səpgili olimpiadalar, yarışlar, müsabiqələr keçirilir.

Gənclər və İdman naziri Azad Rəhimov 18 aprel tarixində Küveyt Dövlətinin Gənclər və İdman üzrə Baş Komitəsinin baş direktoru Feysəl Müsaid Əl-Cəzzafın rəsmi dəvəti bu ölkəyə səfərə yollanıb.

2012-ci ildə Azərbaycan Respublikasının Milli Olimpiya Komitəsinin yaradılmasının 20 ili tamam olur.

"RESURS" Gənclərin İnkişafı İctimai Birliyi Bakı şəhəri, Nizami Rayon İcra Hakimiyyəti ilə birlikdə "Vətən uğrunda mübarizəyə hazır ol!" şüarı ilə gənclərin vətənpərvərlik hisslərinin artırılması istiqamətində növbəti kütləvi toplantı keçirib.

Gənclər və İdman naziri Azad Rəhimovun beynəlxalq "inside the games" portalına verdiyi müsahibə.

14 aprel, 2012-ci il tarixində AGAT nəzdində yaratdığı Sosial elmlər Klubunun ilk seminarını həyata keçirdi.

Moskvada keçirilən Milli Olimpiya Komitələri Assosiasiyasının Baş Assambleyasının və ikinci Beynəlxalq İdman Forumunun işində iştirak edən gənclər və idman naziri Azad Rəhimov AzərTAc-a eksklüziv müsahibəsində demişdir: Azərbaycan 2020-ci ilin olimpiya oyunlarının Bakıda keçirilməsi uğrunda mübarizədə qələbəyə ümid edir, belə ki, bunun üçün hər cür zəmin vardır.

Başlığı altında sərgi 26 iyun 2012-ci il tarixində Rusiya Federasiyasının Moskva şəhərində start götürəcək.

"RESURS" Gənclərin İnkişafı İctimai Birliyi Azərbaycan Respublikasının Prezidenti yanında QHT-lərə Dövlət Dəstəyi Şurası ilə birlikdə "Yeniyetmə və gənclər arasında narkomaniya əleyhinə təbliğat işlərinin aparılması" layihəsinin icrasını davam etdirir.

Bu deviz altında Saatlı və Hacıqabul rayonlarında keçirilən aksiyalarda hər rayon üzrə 400 nəfərə yaxın yeniyetmə və gənc iştirak edib.

Azərbaycanın birinci xanımı, Heydər Əliyev Fondunun prezidenti, YUNESKO və İSESKO-nun xoşməramlı səfiri Mehriban Əliyevanın rəhbərlik etdiyi yeddi nəfərdən ibarət nümayəndə heyəti aprelin 14-ü Moskvada keçiriləcək Milli Olimpiya Komitələrinin Baş Assambleyasında iştirak edəcək. Bunu aprelin 11-i Milli Olimpiya Komitəsində keçirilən mətbuat üçün brifinqdə Bakı 2020 Təşkilat Komitəsinin İcraçı Direktoru Könül Nurullayeva söyləmişdir.

Azərbaycan Respublikası Prezidentinin 2011-ci il 7 iyul tarixli Sərəncamı ilə təsdiq olunmuş "Azərbaycan Gəncliyi 2011-2015-ci illərdə" Dövlət Proqramının 6-cı bəndinə və 2011-ci il 15 noyabr tarixli Sərəncamı ilə təsdiq olunmuş "Azərbaycan Respublikasının Məşğulluq Strategiyasının həyata keçirilməsi üzrə 2011-2015-cu illər üzrə Dövlət Proqramı"nın 4-cü bəndinə əsasən regionlarda gənclərin məşğulluğunun inkişaf etdirilməsi və əmək ehtiyatlarının keyfiyyətcə yaxşılaşması istiqamətində iqtisadi maarifləndirmə, məsləhət xidmətinin genişləndirilməsi, məşğulluq və sahibkarlıq fəaliyyəti sahəsində qabaqcıl təcrübənin öyrənilməsi və işsizliyin aradan qaldırılması ilə əlaqədar tədbirlərin həyata keçirilməsi digər nazirliklərlə yanaşı Gənclər və İdman Nazirliyinə həvalə olunmuşdur.

Macarıstanın Budapeşt  şəhərində səfərdə olan Gənclər və Idman naziri Azad Rəhimov bu ölkənin Sosial siyasət, Ailə və Gənclər üzrə baş katibi Mikoloş Şolteslə görüş keçirib

Macarıstanda möhtəşəm Azərbaycan gecəsi keçirildi

Vətəndaş Cəmiyyətində Debat" İctimai Birliyi, Gənclər və İdman Nazirliyinin birgə təşkilatçılığı ilə keçirilən təlimlər 31 mart - 2 aprel tarixlərini əhatə edib.

Bu gün 25 ölkədən 250-dən artıq gənc Macarıstan Parlamentində bir araya gəldi. Ilk olaraq hər iki ölkənin himni səsləndi. Daha sonra ASAİF-in fəaliyyətindən bəhs edən 6 dəqiqəlik film nümayiş olundu.

Azad Rəhimov: "Azərbaycan gəncləri üçün ASAİF-in hər il keçirdiyi Forumlar əlamətdar bir hadisədir. Təşkilat yaşayır və fəaliyyət dairəsini genişləndirir."
Macarıstanın Budapeşt şəhərində keçirilən "Mən gənc səfirəm" ASAİF forumu bu gün Macarıstan parlamentində öz işini davam edir. Görüşdə 25 ölkədən 250-dən artıq gənc iştirak edir. Nazirlər, dövlət rəsmiləri, Azərbaycanın müxtəlif ölkələrdəki fəvqəladə və səlahiyyətli səfirərinin də qatıldığı görüşdə çıxış edən gənclər və idman naziri Azad Rəhimov ilk olaraq böyük tarixi olan Macarıstan Parlamentində Forumun keçirilməsi üçün şərait yaratdıqlarına görə Macarıstan Parlamentinin rəhbərliyinə, dövlət rəsmilərinə, eləcə də Azərbaycanın Macarıstandakı səfirliynə öz təşəkkürünü bildirib.

ASAİF BUDAPEŞT FORUMUNUN İŞTİRAKÇILARINA!

25-dən artıq ölkədən 200-dən artıq gənc Macarıstanın paytaxtı Budapest şəhərində bir araya gəlib. Onların burada toplaşmasının əsas səbəbi "Mən gənc səfirəm" ASAİF forumunun 6 aprel tarixindən start götürməsidir. İki gün davam edəcək foruma Almaniya, Çin, Amerika Birləşmiş Ştatları, Səudiyyə Ərəbistanı, Çexiya, Türkiyə, Avstraliya, Belçika, Böyük Britaniya, İtaliya, Fransa və digər olkələrdən tələbələr qatılıb. Forum çərçivəsində Azərbaycan Respublikasının xarici ölkələrdəki fövqəladə və səlahiyyətli səfirləri ilə forum iştirakçılarının görüşü, eyni zamanda Azərbaycan gənclər təşkilatlarının rəhbərləri ilə Macarıstan gənclər təşkilatları rəhbərlərinin görüşü və müxtəlif layihələrin birgə müzakirələr nəzərdə tutulub.

25-dən artıq ölkədən 200-dən artıq gənc Macarıstanın paytaxtı Budapest şəhərində bir araya gəlib. Onların burada toplaşmasının əsas səbəbi "Mən gənc səfirəm" ASAİF forumunun 6 aprel tarixindən start götürməsidir. İki gün davam edəcək foruma Almaniya, Çin, Amerika Birləşmiş Ştatları, Səudiyyə Ərəbistanı, Çexiya, Türkiyə, Avstraliya, Belçika, Böyük Britaniya, İtaliya, Fransa və digər olkələrdən tələbələr qatılıb. Forum çərçivəsində Azərbaycan Respublikasının xarici ölkələrdəki fövqəladə və səlahiyyətli səfirləri ilə forum iştirakçılarının görüşü, eyni zamanda Azərbaycan gənclər təşkilatlarının rəhbərləri ilə Macarıstan gənclər təşkilatları rəhbərlərinin görüşü və müxtəlif layihələrin birgə müzakirələr nəzərdə tutulub.
Forumun mühüm əhəmiyyət kəsb edən bölümü Macarıstan Parlamentində gerçəkləşəcək. Burada gənclər və idman naziri Azad Rəhimov, təhsil naziri Misir Mərdanov, Prezident Administrasiyasının şöbə müdiri Elnur Aslanov, gənclər və idman nazirinin müavini İntiqam Babayev, Dövlət Neft Fondunun icraçı direktoru Şahmar Mövsümov, Azərbaycan Respublikası Prezidentinin yanında Dövlət qulluğu komissiyasının sədri Bəhram Xəlilov, Milli Məclisin komitə sədri Səməd Seyidov, Milli Məclisin üzvləri Ceyhun Osmanlı, Fuad Muradov, Azərbaycanın xarici ölkələrdəki səfirləri Vilayət Quliyev, Həsən Həsənov, Fəxrəddin Qurbanov, Pərviz Şahbazov, Həsən Məmmədzadə və Qalib İsrafilov gənclərlə görüşlər keçirib, fikir mübadiləsi aparacaqlar.

Aprelin 20-22-də Bolqarıstanın paytaxtı Sofiyada London Yay Olimpiya Oyunlarına vəsiqə verən Avropa təsnifat turniri keçiriləcək.
Sərbəst güləş yığmamız 3 çəki dərəcəsində lisenziya uğrunda yarışacaq. Mahmud Məhəmmədov (55 kq), Toğrul Əsgərov (60 kq) və Xetaq Qazyumov (96 kq, Aslanbek Alborov (ehtiyat)) ilk lisenziya turnirinə yollanacaq idmançılardır. Baş məşqçi Saypulla Absaidov və böyük məşqçi Firdovsi Umudovun rəhbərliyi altında yığmamız digər 4 çəkidə (Cəbrayıl Həsənov (66 kq), Əşrəf Əliyev (74 kq), Şərif Şərifov (84 kq) və Cəmaləddin Məhəmmədov (120 kq)) Olimpiadaya vəsiqəni artıq təmin edib.

3 aprel 2012-ci il tarixində saat 12.00-da Hilton otelinin "Ametist" zalında (3-cü mərtəbə) Gənclər və İdman nazirliyinin təşkilatçılığı ilə 2013-cü ilin mart ayında Londonda gerçəkləşəcək FİDE-nin Şahmat üzrə İddiaçılar Turnirinin (FIDE World Chess Candidates Tournament 2013) keçirilməsi və təşkilati məsələlərlə bağlı bir sıra sualların müzakirəsi məqsədi ilə tədbir keçirildi.

Mingəçevir şəhərindəki "Kür" Olimpiya Mərkəzində yenicə başa çatan Beynəlxalq "Prezident Kuboku-2012" Reqatasında Türkiyənin kayak üzrə kişilərdən ibarət milli komandası da iştirak edirdi. Nümayəndə Heyətinin rəhbəri, Türkiyə Kanoe Federasiyasının I vitse-prezidenti Fatih Sani Azərbaycan Milli Avarçəkmə Federasiyasının rəsmi saytına (www.amaf.az) müsahibəsində yarış barədə fikirlərini bildirdi:

- 16 - 17 mayda Polşanın Poznan şəhərində keçiriləcək Avropa Olimpiya Təsnifatına hazırlaşırıq. Beynəlxalq "Prezident Kuboku-2012" Reqatasına da hazırlıq məqsədilə gəlmişdik. Ötən ilin noyabrında burada keçirilmiş başqa bir yarışa - Beynəlxalq Mingəçevir Reqatasına qatılmışdıq. Hər iki reqatada Azərbaycan Milli Avarçəkmə Federasiyası bizi çox yaxşı qəbul etdi. Burada özümüzü həqiqətən də evimizdəki kimi hiss edirik. Ona görə də Mingəçevirdə olmaqdan, yarışlara qatılmaqdan çox məmnunuq. İki ölkə arasındakı dostluq-qardaşlıq münasibətlərinin idmanda da, o cümlədən, kayak və kanoe növlərində də davam etməsini çox istəyirik.

Gənclər və İdman Nazirliyi 2012-ci ilin mart və aprel ayları ərzində 16-29 yaşlı gənclər arasında "Biz birlikdə bacararıq" devizi altında foto-müsabiqəyə start verib. Qısa müddət ərzində müsabiqəyə 200-dən artıq şəkil təqdim olunub. Münsiflər heyəti tərəfindən seçiləcək şəkillərin müəllifləri mükafatlandırılmaqla bərabər, eyni zamanda onların adları da qeyd olunmaqla, təqdim etdikləri fotolar bütün dünyada böyük maraqla baxılan www.baku2020.com saytında nümayiş olunacaq.

Mingəçevir şəhərində keçirilən Beynəlxalq "Prezident Kuboku-2012" Reqatasında kayak və kanoeçilərin mübarizəsinə yekun vurulub. Kayakçıların yarışında Azərbaycan, Türkiyə, Ukrayna və Gürcüstanın kişi və qadın təmsilçiləri mübarizə aparıblar. Kanoeçilərin mübarizəsində isə Azərbaycan və Gürcüstan təmsil olunub.

Onlar 1000 metr, 500 metr və 200 metr məsafəyə yürüşlərdə iştirak ediblər. Bütün yürüşlərdə Azərbaycan idmançıları mükafatçılar sırasına düşüblər.

Mingəçevir şəhərində keçirilən akademik avarçəkmə, kayak və kanoe üzrə Beynəlxalq Prezident Kuboku Reqatası iştirakçıların kəmiyyəti ilə yanaşı, keyfiyyəti baxımından da ildən-ilə fərqlənir. Bu dəfə reqataya ukraynalı olimpiya çempionu İnna Osipenko-Radomskaya da qatılıb.

Azərbaycan kanoeçisi, 3 qat dünya və 3 qat Avropa çempionu Valentin Demyanenko 2012-ci il London Yay Olimpiya Oyunlarına hazırlıqları barədə danışıb. 29 yaşlı idmançımız Azərbaycan Milli Avarçəkmə Federasiyasının rəsmi saytına (www.amaf.az) müsahibəsində iyulun 27-də start götürəcək olimpiadaya hazırlığın plan üzrə getdiyini bildirib.

O, tərtib olunan qrafikə əsasən, həm fiziki hazırlıq, həm də dözümlülük üzərində çalışdıqlarını söyləyib: "Məşqlərimizin hansı gün hansı ölkədə keçirilməsi bu qrafikdə əksini tapıb. Biz də nəyi və nə vaxt nəzərdə tutmuşuqsa, ona uyğun da çalışırıq. Ona görə də fikrimcə, bizim üçün olimpiadada hər şey yaxşı olmalıdır. Mən buna ümidvaram".

Martın 30-da Mingəçevir şəhərindəki "Kür" Olimpiya Mərkəzində akademik, kayak və kanoe qayıqlarında avarçəkmə üzrə Beynəlxalq "Prezident Kuboku-2012" Reqatasına start veriləcək. Saat 12:00-da başlanacaq təntənəli açılış mərasiminə yarışda iştirak edən 5 ölkə, eləcə də Gənclər və İdman Nazirliyi ilə Azərbaycan Milli Avarçəkmə Federasiyası rəsmiləri qatılacaq. Sabah açılış mərasimi ilə yanaşı, ilkin və yarımfinal yürüşləri keçiriləcək. Qaliblər martın 31-də və aprelin 1-də məlum olacaq. Bütün mükafatçılar nazirliklə federasiyanın diplom və medalları ilə təltif olunacaqlar.

"Azərbaycan Respublikasında 2012-ci ilin "İdman ili" elan edilməsi ilə bağlı Tədbirlər Planı"nın təsdiq edilməsi haqqında
Azərbaycan Respublikası Prezidentinin Sərəncamı

Azərbaycanın gənclərdən ibarət taekvondo üzrə seçmə komandası Misirin Şarm Əl Şeyx şəhərində IX Dünya Çempionatına yola düşür. Baş məşqçi, respublikanın əməkdar məşqçisi Gündüz Abdullayev və koreyalı mütəxəssis Sun Mi Park heyətə Məcid Sofiyev (45 kq), Elmar Bədəlli (48 kq), Ruslan Abbasov (51 kq), Ayxan Tağızadə (55 kq), Pərvin Əliyev (59 kq), Nicat Əliyev (63 kq), Şamxal Əbilov (68 kq), Vladislav Subbotin (73 kq), Elnur Məhərrəmov (78 kq), Seyidəzim Bədirxanlı (+78 kq), Zümrüd Məlikova (42 kq), Nərminə Məmmədova (44 kq), Təranə Məmmədova (46 kq) və Fəridə Əzizovanı (67 kq) daxil edib.

29 mart 2012-ci tarixi saat 14.45-də Abu Arenanın idman zalında "Hünər VII Vətənpərvərlik mahnıları festivalı"nın yekun konserti və qaliblərin mükafatlandırma mərasimi keçiriləcək.
Bakı şəhəri də daxil olmaqla Azərbaycanın müxtəlif regionlarından gənclərin qatıldığı bu müsabiqəyə 60-a yaxın mahnı təqdim edilmişdi. Münsiflər heyətinin seçiminə əsasən 10 mahnı finala vəsiqə qazanıb.

Mart ayının 29-da Bakı şəhəri, Nizami rayonunda fəaliyyət göstərən Milli Qəhrəman Ərəstun Mahmudov adına 220 saylı məktəb-liseydə "RESURS" Gənclərin İnkişafı İctimai Birliyi tədbir keçirdi. Yığıncaqda məktəbin pedaqoji kollektivi, şagirdlər, Nizami RİH-nin başçısının müavini Gülnaz İsrafilova, YAP Nizami rayon təşkilatının aparat rəhbəri, QHT nümayəndələri, "Xüsusi Təyinatlı" kitabının müəllifi Sahib Şirinov iştirak etdilər. Tədbiri giriş sözü ilə açan məktəb-liseyin direktoru Almaz Əsgərova qonaqları şagirdlərə təqdim edərək soyqırımına məruz qalmış bacı-qardaşlarımızın xatirəsini 1 dəqiqəlik sükutla yad etməyi təklif etdi. Sonra 220 saylı məktəb-liseydə vətənpərvərlik ruhunda keçirilən tədbirlərdən, şagirdlərin Vətənə məhəbbət ruhunda tərbiyə almaları üçün pedaqoji kolektivin gördüyü işlərdən bəhs edildi.
Bakı şəhəri, Nizami RİH-nin başçısının müavini Gülnaz İsrafilova çıxış edərək, şagirdləri Vətəni sevməyə, yaxşı oxumağa, sağlam həyat tərzi sürməyə çağırdı. Azərbaycanlıların ermənilər tərəfindən dəfələrlə qırğınlara məruz qaldığını diqqətə çatdıran G.İsrafilova 1998-ci ildə Azərbaycan Prezidenti Heydər Əliyevin "31 Mart Azərbaycanlıların Soyqırımı haqqında" fərmanına əsasən bu tarixin hər il dövlət səviyyəsində qeyd edildiyini bildirdi.

Gənclər və İdman naziri Azad Rəhimovun Böyük Britaniyaya rəsmi səfəri başlayıb. Əsas məqsəd Londonda 2012-ci ildə keçiriləcək Olimpiya və Paralimpiya oyunlarına məsul şəxslərlə görüşlər keçirib, müzakirələr aparmaqdır.

Gənclər və İdman naziri Azad Rəhimov Böyük Britaniyanın İdman və Olimpiya naziri Hugh Robertson, eyni zamanda Britaniya Olimpiya Assosiasiyasının baş katibi Colin Moynihanla görüşüb.
Nazir Azad Rəhimov: "Londona səfərimin əsas məqsadi yayda bu şəhərdə keçiriləcək Olimpiya və Paralimpiya oyunlarına məsul şəxslərlə görüşlər keçirib, görülən işlərlə daha yaxından tanış olmaqdır. Olimpiya oyunlarına ev sahibliyi etmiş ölkələrin təcrübəsi ilə daha yaxdından tanış olmaq mühüm əhəmiyyət kəsb edir. Olimpiya və Paralimpiya oyunlarına ev sahibliyi hər bir ölkənin həyatının ən böyük təcrübəsi hesab edilə bilər. 2020-ci ildə Olmipiya oyunlarına ciddi şəkildə ev sahibliyi etmək istiqamətində namizəd şəhər olduğumuz və bu mübarizədə çox ciddi rəqiblərimiz olduğunu nəzərə alsaq hər bir detalın diqqətlə öytənilməsi mühüm əhəmiyyət kəsb edir."

Gənclər və İdman naziri Azad Rəhimovun  Böyük Britaniyaya rəsmi səfəri başlayıb. Əsas məqsəd  Londonda 2012-ci ildə keçiriləcək Olimpiya və Paralimpiya oyunlarına məsul şəxslərlə görüşlər keçirib, müzakirələr aparmaqdır. 

Azərbaycan taekvondoçuları Hollandiyanın açıq çempionatında (Dutch Open) uğurla çıxış ediblər. İdmançılarımız gənclər və böyüklər arasında "A" kateqoriyalı yarışda 1 qızıl, 3 gümüş və 3 bürünc medala sahib olublar.

Martın 23-dən 25-dək Bakıda, Kempinski-Badamdar mehmanxanasında ilk dəfə olaraq intellektual oyunlar üzrə "Xəzər kuboku"("Caspian Cup") beynəlxalq turnirinə start veriləcək.
Təşkilatçıları Azərbaycan Respublikası Gənclər və İdman Nazriliyi və "Gənclərin İntellektual İnkişaf Mərkəzi" İctimai Birliyi olan yarış üç gün davam edəcək. Burada bilik və bacarıq tələb olunan müxtəlif intellektual oyunlar keçiriləcək. Həmin oyunların sırasında ənənəvi olan "Nə? Harada? Nə zaman?", "Fərdi oyun" və" Breyn-ring" oyunları ilə yanaşı, "Xəmsə" milli intellektual oyunu üzrə ilk beynalxalq yarışma da olacaq.

Hövsan Olimpiya İdman Kompleksində sərbəst və yunan-Roma güləşi üzrə gənclərin Azərbaycan birinciliyi başa çatıb. Yarışların son günündə 55, 66, 84 və 120 kq çəki dərəcələrində yunan-Roma güləşçiləri qüvvələrini sınayıb.

AEGEE-Bakı (Avropa Tələbələr Forumu- Bakı İctimai Birliyi) 15 mart tarixində Gənclər və İdman Nazirliyinin dəstəyi ilə Bakıda "Beynəlxalq Novruz Festivalı Azərbaycanda - 2012" adlı beynəlxalq tədbirə start verib .
22 Mart tarixinədək davam edəcək tədbirin əsas məqsədi dünya gənclərini xalqımızın milli adət və ənənəsi, dəyərləri və tarixi haqqında məlumatlandırmaq, eyni zamanda mühüm əhəmiyyət daşıyan mədəniyyətlərarası gənclər mübadiləsini inkişaf etdirməkdir.
Layihədə dünyanın müxtəlif ölkələrindən 40 əcnəbi gəncin iştirakı gözlənilir. İştirakçılar ölkəmizin tarixi abidələrinə səfərlər edəcək, Bakı şəhərində təşkil ediləcək bayram tədbirlərinə qoşulacaq, həmçinin ailələrdə Novruz axşamını qeyd etməklə mədəniyyətimizi daha yaxından tanımaq imkanı əldə edəcəklər.

15 mart tarixində Gənclər və İdman nazirliyinin təşkilatçılığı ilə Novruz bayramı münasibəti ilə sosial müdafiəyə ehtiyacı olan uşaqlar üçün bayram şənliyi təşkil edildi.
Şənliyin əsas məqsədi sosial müdafiəyə ehtiyacı olan uşaqlara dövlət qayğısının artırılması, eyni zamanda onların asudə vaxtlarının səmərəli və mənalı təşkil edilməsidir.

2012-ci il martın 14-də keçirilmiş mətbuat konfransında Bakı şəhərinin 2020 Olimpiya və Paralimpiya Oyunlarına namizədliyi üçün ölkə miqyaslı dəstək kampaniyasına start verildiyi elan edildi.Kampaniyanın məqsədi 2020 Olimpiya Oyunlarında Bakının namizədliyinə əhalinin dəstəyini göstərmək üçün vətəndaşların imzalarını toplamaq və namizədlik haqqında əhalinin məlumatlılıq səviyyəsini artırmaqdır.
Mətbuat konfransında iştirak edən Bakı 2020 Təşkilat Komitəsinin İcraçı Direktoru Könül Nurullayeva gənclərin belə bir təşəbbüs irəli sürdüklərini çox müsbət dəyərləndirdiyini qeyd etdi. "Bakı 2020 layihəsini böyükdən tutmuş kiçiyə bütün əhalimiz dəstəkləyir. Bu gün isə ATGTİ timsalında Azərbaycan gəncliyinin bu layihəyə dəstək kampaniyasına başlaması bizi çox sevindirir. Bu dəstək həmçinin gənclərimizin idmana və Olimpiya Hərəkatına maraq və dəstəyinin göstəricisidir. Olimpiya Oyunlarına Ev Sahibliyinə yiyələnsək Olimpiya dəyərlərinin milyonlarla gənclər arasında yayılmasına və beləliklə, ölkəmizin idman potensialının daha da gücləndirilməsinə yardım etmiş olarıq"- deyə, Könül xanım bildirmişdir.

Serbiyanın Belqrad şəhərində 15 mart tarixində Avropa Şurası İdman Nazirlərinin 12-ci Konfransına start veriləcək.
Konfransda Azərbaycanı Gənclər və İdman naziri Azad Rəhimov təmsil edəcək.
Konfrans zamanı "Oyunların nəticələrinin əvvəlcədən razılaşdırılmasına qarşı idmanın təmizliyinin və bütövlüyünün qorunub saxlanılması", "Ümumavropa idman əməkdaşlığının cari siyasi məsələləri " və digər mövzular ətrafında müzakirələr aparılacaqdır.

Azərbaycan Respublikası Gənclər və İdman Nazirliyi və "Vətəndaş Cəmiyyətində Debat" İctimai Birliyinin birgə təşkil etdiyi "Respublika Gənclər Debat Forumu -Yaz 2012" çərçivəsində həyata keçirilən silsilə tədbirlər davam edir.

10-11 mart 2012-ci il tarixlərində "Respublika Gənclər Debat Forumu-Yaz 2012" çərçivəsində İsmayıllı və Lənkəran şəhərlərində Gənclər Debat Forumları keçirildi.

İsmayıllı şəhərində İsmayıllı rayon Gənclər və İdman İdarəsinin təşəbbüsü ilə "Şirvan Regional Gənclər Debat Forumu" təşkil olundu. Forumda İsmayıllı, Ağdaş, Göyçay, Ucar, Kürdəmir, Ağsu, Zərdab, rayonlarından 45 fəal gənc iştirak etdi. Forum ərzində ən yüksək nəticə göstərərək qalib olan İsmayıllı şəhərini təmsil edən və Forumun finalçısı Ucar şəhərini təmsil edən gənclər "Respublika Gənclər Debat Forumu- Yaz 2012"-də iştirak etmək hüququ əldə etdilər.

15-19 mart 2012-ci il tarixdə Hövsan Olimpiya İdman Kompleksində sərbəst və yunan-Roma güləşi üzrə gənclərin Azərbaycan birinciliyi və yeniyetmə qızların açıq Respublika birinciliyi keçiriləcək. FİLA-nın qaydalarına əsasən keçirilən gənclərin yarışında 1992-1994-cü il təvəllüdlü, qızların yarışında isə 1995-1996-1997-ci il təvəllüdlü güləşçilər iştirak edə bilər. 1997-ci il təvəllüdlü idmançılar valideynin razılığı və həkimin icazəsi ilə yarışlara buraxılır.
Azərbaycan Respublikası Gənclər və İdman Nazirliyi və Azərbaycan Güləş Federasiyasının birgə təşkilatçılığı ilə keçirilən və şəxsi xarakter daşıyan yarışlarda idman cəmiyyətləri, idman klubları, idman təşkilatları, şəhər və rayon yığma komandalarının tərkibinə daxil olan idmançılar mübarizə aparacaq. Yarışlarda çəki dərəcələri üzrə ilk 3 yeri tutmuş idmançılar AGF tərəfindən müvafiq diplom, medal və pul mükafatı ilə təltif olunacaq.

Xəzər İntellektual Gənclər Klubu (Xəzər İGK) öz fəaliyyət miqyasını genişləndirməkdə davam edir. Bu günə kimi ölkənin 6 nüfuzlu ali məktəbini özündə cəmləmiş "Universitet liqası"nın sıraları genişlənməkdədir. Bu dəfə ölkə xaricindən layihəyə dəstək gəlib. Şimali Kipr Yakın Doğu Universitetinin sinxron keçirilən "Nə? Harada? Nə zaman?"oyunlarına qatılması "Universitet liqası"na olan marağı daha da artırıb.

Serbiyanın paytaxtı Belqradda güləş üzrə Avropa çempionatına yekun vurulub. Son iki gündə yunan-Roma güləşçiləri öz aralarında ən güclüləri müəyyənləşdiriblər. Yunan-Roma güləşçiləri 1 qızıl və 1 bürünc medal qazanmaqla, çempionatı komanda hesabında 3-cü sırada tamamlayıb.

Sənədə Azərbaycan hökuməti adından gənclər və idman naziri Azad Rəhimov, BMTİP adından isə BMT-nin Azərbaycandakı rezident-əlaqələndiricisi Fikrət Akçura imza atıb.
A. Rəhimov bildirib ki, layihə Azərbaycan üçün xüsusi önəm daşıyır: "Layihənin əsas məqsədi dövlət siyasətinin planlaşdırılması və nəticələrin əldə olunmasına gənclərin öz töhfəsini verməklə yanaşı, eyni zamanda qərarların qəbulu prosesində onların daha fəal iştirakını təmin etmək, gələcək liderlər və dövlət qulluqçuları kimi bacarıqlarını artırmaqdır. Layihə "Azərbaycan gəncliyi 2011-2015-ci illərdə Dövlət Proqramı"nın irəli sürdüyü prioritetləri dəstəkləməklə gənclərin idarəetmədə və vətəndaş cəmiyyətinin inkişafında iştirakının artırılması məqsədinə xidmət edir. Layihə dövlət proqramları və strategiyalarında gənclərə yönələn nəticələrin yerinə yetirilməsi üçün lazımi bilik və bacarıqları gənclərə çatdıracaq, dövlət qulluğuna daha çox gənci cəlb edəcək və beynəlxalq forumlarda iştirak üçün gənclərin bacarıqlarını inkişaf etdirəcək".

Türkiyənin Antalya şəhərində 9-10 mart 2012-ci il tarixlərində qılıncoynatma idman növü üzrə şəxsi yarışlar, martın 11-də isə dünya kuboku üzrə komanda yarışları keçirilib. Şəxsi yarışlarda 129 idmançı iştirak edib. Azərbaycan yığma komandasının heyətində Neftçi İdman Sağlamlıq Cəmiyyətinin üzvləri də çıxış edib.

Gənclər və İdman Nazirliyi və BMT-nin İnkişaf Proqramı (BMTİP) "Qərarların qəbulu və dövlət siyasətinin icrasında gənclərin iştirakı" adlı layihənin həyata keçirilməsi üçün birgə sənəd imzalayacaqlar.
Sənədi nazirlik adından Gənclər və İdman Naziri Azad Rəhimov, BMTİP adından isə BMT-nin Azərbaycandakı rezident-əlaqələndiricisi, BMTİP-nin rezident nümayəndəsi Fikrət Akçura imzalayacaq.

Serbiyanın paytaxtı Belqradda keçirilən güləş üzrə Avropa çempionatında 4 yarış günü arxada qalıb. Bu müddət sərbəst güləş üzrə kişi və qadınların gərgin mübarizəsi ilə yadda qalıb.

İlk 4 günün qısa xülasəsinə nəzər salsaq görürük ki, güləşçilərimiz 1 qızıl və 3 bürünc medal əldə edib. Qızıl medalı yığmamıza 60 kq çəki dərəcəsində mübarizə aparan sərbəst güləşçimiz Toğrul Əsgərov qazandırıb. Bürünc medallar isə müvafiq olaraq, Aleksandr Qostiyev (74 kq), Sona Əhmədli (59 kq) və Nadya Sementsovanın (67 kq) payına düşür.

Avropa çempionatının ilk günü yığma komanda üzvlərimizdən heç biri mükafatçılar sırasına düşə bilməyib. Çempionatın ikinci günündə Azərbaycan idmançıları medal hesabını açıblar.

"Tələbələr azad sahibkarlıq fəaliyyətində (SİFE)" beynəlxalq proqram üzrə "SİFE SİLK ROAD" liderlərin beynəlxalq konfransına 11 mart tarixindən Gənclər və İdman nazirliyinin təşkilatçılığı ilə Bakı şəhərində start veriləcək.
"SİFE SİLK ROAD" liderlərin beynəlxalq konfransında Rusiya, Azərbaycan, Qazaxstan, Qırğızstan və Tacikistan komandaları, o cümlədən "SİFE Worldwide" beynəlxalq təşkilatının prezidenti Elvin Rohrs və onun müavinlərinin iştirakı nəzərdə tutulub.

Aşağıdakı linkdə Avropa çempionatında 3-cü günün nəticələri ilə tanış ola bilərsiniz.

Martın 10-da "Sərhədçi" Olimpiya İdman Mərkəzində Baku Fires (Azərbaycan) və Venky's Mumbai Fighters (Hindistan) komandaları arasında Ümumdünya Boks Seriyasının (WSB) dörddə bir final mərhələsinin cavab matçı keçiriləcək.

Xəzər İntellektual Gənclər Klubunun fəaliyyətinin genişləndirilməsi ilə əlaqədar olaraq klubun inzibati-idarə edilməsində dəyişikliklər baş verib. Hazırda klubun həyata keçirdiyi Universitet liqası və Məktəb liqası layihələri yeni yaradılan İnkişaf departamentinə həvalə edilib. Klubun bu 2 layihəsi 6 universitetdə 100-lə gənci və 60-a qədər məktəblini əhatə edir.

Azərbaycanın taekvondo üzrə olimpiya seçmə komandası Fransaya yollanmağa hazırlaşır.

05 mart 2012-ci il tarixindən başlayaraq Hövsan Olimpiya İdman Kompleksində üzgüçülük üzrə qış Azərbaycan çempionatına start verilib.

Gənclərin maarifləndirilməsi sahəsində fəaliyyətini davam etdirərək, "Vətəndaş Cəmiyyətində Debat" İB, AR Gənclər və İdman Nazirliyi ilə birgə "Respublika Gənclər Debat Forumu - Yaz 2012" layihəsinə start verib. Qeyd edək ki, layihə çərçivəsində 2012-ci ilin fevral - may ayları müddətində "Azərbaycan Respublikası regionlarının 2009-2013-cü illərdə sosial-iqtisadi inkişafına dair Dövlət Proqramı"na əsasən "Gənclərin regionların sosial-iqtisadi inkişafında iştirakı özünü doğruldur" mövzusunda gənclər üçün silsilə təlim və debatların keçirilməsi planlaşdırılır. Layihədə Bakı, Sumqayıt, Gəncə, Lənkəran, İsmayıllı, Şəki, Qusar və ətrafdakı regionlarından 2000-ə yaxın gəncin iştirakı gözlənilir.

5 mart Bədən Tərbiyəsi və İdman günü fotolarda

Gənclər arasında "Breyn-rinq" intellektual oyun üzrə respublika final yarışı məhz "Azərbaycan- doğma Vətənim" başlığı altında gerçəkləşəcək.

6 fevral saat 14.45-də Azərbaycan dövlət Gənc Tamaşaçılar Teatrında Sağlamlıq imkanları məhdud yeniyetmə və gənclərin II Respublika Yaradıcılıq Festivalına start veriləcək.

Fevralın 28-də "RESURS" Gənclərin İnkişafı İctimai Birliyi Bakı şəhəri, Nizami rayonunda fəaliyyət göstərən Kamil Əliyev adına 61 saylı tam orta məktəbdə "XOCALI SOYQIRIMI HEÇ ZAMAN UNUDULMAYACAQ!" mövzusunda tədbir keçirdi. Yıqıncaqda pedaqoji kollektiv, şagirdlər, QHT nümayəndələri, "Xüsusi Təyinatlı" kitabının müəllifi Sahib Şirinov iştirak edirdi. Dövlət himni səsləndi və iştirakçılar tərəfindən oxundu. 150-dən artıq yeniyetmə və gəncin iştirak etdiyi tədbiri məktəbin direktoru Zenfira Şıxəliyeva açaraq qonaqları təqdim etdi.

Bu gün dünya şöhrətli dizayner Ermanno Scervinonun adını daşıyan moda evinin rəhbəri Tony Scervino media nümayəndələri ilə görüşüb. Görüşün əsas məqsədi Londonda keçiriləcək XXX Yay Olimpiya Oyunlarında iştirak edəcək azərbaycanlı idmançıların geyimlərini KİV nümayəndələrinə təqdim etmək olub. Tony Scervino ilə yanaşı “London-2012”də Azərbaycan yığmamızın şef demissionu olacaq Gənclər və İdman Nazirliyinin beynəlxalq əlaqələr şöbəsinin müdiri İlham Mədətov da iştirak edib.