Ümummilli lider Heydər Əliyevin fərmanına əsasən 1997-ci ildən başlayaraq hər il fevral ayının 2-si respublikamızda Azərbaycan Gəncləri günü kimi qeyd olunur. Gənclər gününün geniş şəkildə qeyd olunması məqsədilə Gənclər və İdman Nazirliyi tərəfindən bir sıra tədbirlərin həyata keçirilməsi nəzərdə tutulub.
Hər il Nazirlik tərəfindən 2 fevral – Azərbaycan Gəncləri gününün qeyd olunması münasibəti ilə elm, texnika, təhsil, mədəniyyət və incəsənət sahəsində nailiyyətlər qazanmış, respublikamızı xarici ölkələrdə yüksək səviyyədə təmsil etmiş yaradıcı gənclərin mükafatlandırılması məqsədilə Gənclər və İdman Nazirliyi tərəfindən “Gənclər mükafatı” təsis edilir. Mükafatın təsis edilməsində əsas məqsəd elm, mədəniyyət, təhsil, iqtisadiyyat, dövlət idarəçiliyi sahəsində və respublikanın ictimai-siyasi həyatında yüksək nailiyyətlər əldə etmiş gənclərin əməyini qiymətləndirmək, istedadlı gənclərin yaradıcılıq potensialının inkişaf etdirilməsi üçün əlverişli şərait yaratmaq və onların peşəkarlıq səviyyəsinin artırılması üçün əlavə stimullar yaratmaqdır. 
2 fevral - Gənclər günü ilə əlaqədar keçiriləcək tədbirlər haqqında

1 fevral 2010-cu il

19.00-20.30 - 2009-cu ildə qazandıqları yüksək nailiyyətlərə görə istedadlı və yaradıcı gənclərin mükafatlandırılması – Milli Təhlükəsizlik Nazirliyinin Mədəniyyət Mərkəzində konsert və mükafatlandırma mərasimi

2 fevral 2010-cu il

10.00-10.50 - 2 fevral - Gənclər günü ilə əlaqədar dövlət gənclər siyasəti sahəsində çalışan hökumət və ictimai təşkilatların nüməyəndələri, istedadlı və yaradıcı gənclər, tələbə təşkilatları rəhbərlərinin iştirakı ilə Fəxri Xiyabanda Ümumilli Lider Heydər Əliyevin xatirə kompleksinin və Şəhidlər Xiyabanının ziyarəti

11.30-13.00 - Azərbaycan Respublikası Gənclər və İdman Nazirliyinin, Mədəniyyət və Turizm Nazirliyi və Azərbaycan Rəssamlar İttifaqı ilə birgə təşkilatşılığı ilə V.Səmədova adına Sərgi Zalında istedadlı gənc rəssamların rəngkarlıq sərgisi

12.00-13.00 - Azərbaycan Respublikası Gənclər Təşkilatlarının Milli Şurasının təşkilatçılığı ilə Park İnn Mehmanxanasında tədbir

20.00 - Eurovision-2010 müsabiqəsinin seçmə turu (yarımfinal)