İran İslam Respublikasının Qum şəhərində yunan-Roma güləşi üzrə böyüklər arasında keçirilən “Yadigar İmam Kuboku” yarışları başa çatıb. Yunan-Roma güləşi üzrə yığma komandamız məşqçi Nurəddin Rəcəbovun rəhbərliyi altında bu turnirdə iştirak edib. AGF Hakimlər Kollegiyasının üzvləri Qərib Əliyev və Vaqif Zeynallı da bu beynəlxalq yarışda hakim kimi ölkəmizi təmsil edib.
Komandamız turnirdə 1 qızıl medal qazanıb, iki təmsilçimiz isə 5-ci yeri tutub. Fəxri kürsünün ən yüksək pilləsinə 60 kq çəki dərəcəsində Anar Əsədov qalxıb, komandamızın digər üzvləri Elməddin Abdullayev (84 kq) və Müslüm Müslümov (120 kq) 5-ci yeri tutublar.