Azərbaycan Respublikasının Gənclər və İdman Nazirliyinin maliyyə dəstəyi ilə Azərbaycan Demokratik İslahatçı Gənclər Birliyi (DİGB) "Gənclər arasında internet mədəniyyətinin formalaşması və internet təhlükəsizliyi”" layihəsinin icrasına başlamışdır. Layihənin əsas məqsədləri ölkə gənclərinin və yeniyetmələrin informasiya cəmiyyəti, İnternet mədəniyyəti, internet təhlükəsizliyi üzrə maarifləndirilməsi məqsədilə təlimlər keçmək, gənclərimizin bu sahədə inkişafında qarşılaşdıqları problemlər və onun aradan qaldırılması yollarını araşdırmaqdır. Qeyd edək ki, bu bu istiqamətdə artıq məktəblilər üçün nəzərdə tutulan təbliğat xarakterli divar kağızları nəfis tərtibatda artıq nəşr olunmuşdur ki, “İnternet mədəniyyəti və təhlükəsizliyi” adlı kitabçanın da yaxın günlərdə nəşr olunacağı gözlənilir. Kitabçada əsasən İnformasiya ekologiyasının əsas predmeti haqqında fikirlərə istinad edilərək, İnternet təhlükəsizliyinin mürəkkəb bir sistem olduğu göstərilir. Bu sistemdə yaşamaq üçün yalnız innovativ biliklər əldə etmək, ömür boyu oxumaq ,öyrənmək, öyrətmək və inkişaf etmək tövsiyyə edilir. Daha sonra elektron mühitdə hər bir vətəndaşın müasir şərtlərlə effektliv işləmək hazırlığı, internet mədəniyyətinin vacib göstərici olduğu vurğulanır. Eyni zamanda hazırkı dövr üçün istifadəçi biliyinin standartları önəmli əhəmiyyət kəsb edilməsi ilə yanaşı, yeniyetmələrin, əsasən uşaqların internet təhlükəsizliyinin təmin edilməsi məqsədi ilə tövsiyyələr verilir.
Qeyd edək ki, birlik bu ayın ikinci yarısısndan layihə ilə bağlı təlimlərə başlayacaqdır.