Gənc İstadadlara Dəstək Fondu (GİDF) Azərbaycan Respublikası Gənclər və İdman Nazirliyinin maliyyə dəstəyilə cari ilin yanvar ayından “Sumqayıt şəhərinin orta ümumtəhsil məktəblərinin IX-XI sinif şagirdləri arasında “Erudit” intellektual televiziya oyununun keçirilməsi” adlı layihənə başlanmışdır. Müvafiq təşkilati işlərin görülməsindən sonra 09 mart 2010-cu il tarixində “Dünya” Müstəqil Televiziya və Radio Şirkətində yarışmanın ilk turları keçirilmişdir. Şəhərimizdə ilk dəfə olaraq keçirilən intellektual televiziya oyununa şəhər Gənclər və İdman Baş İdarəsi və “Dünya” Müstəqil Televiziya və Radio Şirkəti təşkilati dəstək verilir, “AQS Dental Center” Stomatologiya Mərkəzi və “MOR reklam” tərəfindən isə sponsorluq edilir.
İntellektual televiziya oyununun ilk turlarında 5, 11, 12, 18, 23, 29, 33 və 41 saylı orta ümumtəhsil məktəblərinin hər biri üç nəfərdən ibarət olan komandalar arasında komanda və fərdi yarışmalarında 11 saylı orta məktəbi təmsil edən “Sparta” komandasının üzvü Aliyə Əmrahova və 29 saylı orta məktəbi təmsil edən Elvin Sadıqov super finala vəsiqə qazanmışdır.