Basketbol üzrə milli komandamız Avropa çempionatının seçmə oyunlarının B divizionununda Albaniya, Balerusiya və Rumıniyaya qalib gələrək qrupun lideri olublar.
21 avqust tarixində Sərhədçi Olimpiya Mərkəzində 1-ci dairənin son oyununda komandamız İsveç milli yığması ilə qarşılaşacaq. Bu oyunun nəticəsinə əsasən 1-ci dairənin qalibi müəyyənləşəcək. Belə ki, hal hazırda İsveç komandası 2-ci yerdədir.
Oyuna hazırlıq, məşq prossesləri, əldə olunan uğurlar və aradan qaldırılan çətinliklər haqda bu gün keçirilən mətbuat konfransında yığma komandanın baş məşqçisi Elxan Əliyev, komandanın icraçı direktoru Rüstəm Rüstəmov, komandanın aparıcı oyunçularından biri Rasim Başak danışdı.
Eyni zamanda mətbuat konfransında Gənclər və İdman Nazirliyi idman şöbəsinin müdir müavini İsgəndər Şəkinskiy də iştirak edirdi.