Polşanın Poznan şəhərində keçirilən kayak və kanoe qayıqlarında avarçəkmə üzrə dünya çempionatına 200 metr məsafəyə final yürüşləri ilə yekun vurulub. Azərbaycan kanoeçiləri Sergey Bezuqlıy və Maksim Prokopenkodan ibarət duet sprinter məsafəsi üzrə həlledici mərhələ yürüşündə 8-ci yeri tutub.

2 nəfərlik qayıqda çıxış edən idmançılarımız finişə 37 saniyə 335 mikrosaniyəyə çatıblar. Dünya çempionu adını isə 36 saniyə 19 mikrosaniyə nəticə ilə Raymundas Labukas – Tomas Qadeykis (Litva) tutub. Gümüş medala onlardan 0,392 saniyə geri qalan Yevgeni İqnatov - İvan Ştıl (Rusiya), bürünc medala isə 36 saniyə 551 mikrosaniyə göstərici ilə Pavel Skovronski – Pavel Baraşkeviç (Polşa) dueti layiq görülüb.

Beləliklə, Sergey Bezuqlıy – Maksim Prokopenko dueti dünya çempionatını 500 metr məsafəyə yürüşdə əldə etdiyi 1 gümüş medalla başa vurub. Azərbaycanlı duet 1000 metr məsafəyə yürüşdə isə 5-ci yerlə kifayətlənib.

Texniki nəticələr
Kayak və kanoe qayıqlarında avarçəkmə üzrə dünya çempionatı
2 nəfərlik kanoe qayığı (C-2)
Məsafə: 200 metr
Final A

1. Raymundas Labukas – Tomas Qadeykis (Litva) – 36.019
2. Yevgeni İqnatov - İvan Ştıl (Rusiya) – 36.411
3. Pavel Skovronski – Pavel Baraşkeviç (Polşa) – 36.551
4. Alexandru Dumitresku – Viktor Mixalaki (Rumıniya) – 36.827
5. Byorn Vaeşke – Stefan Kiray (Almaniya) – 36.919
6. Dmitri Rabçanka – Aleksandr Vavçetski (Belarus) – 37.043
7. Roleksis Baes Avila – Sergey Torres Madriqal (Kuba) – 37.087
8. Sergey Bezuqlıy – Maksim Prokopenko (AZƏRBAYCAN) – 37.335
9. Li Vey Ji Li – Hui Donq (Çin) – 37.419