Helsinki Olimpiadasının gümüş mükafatçısı Rəşid Məmmədbəyovun xatirəsinə yeniyetmə sərbəst və yunan-Roma güləşçiləri arasında Respublika turnirinə vəsiqə uğrunda regionlar üzrə təsnifat yarışları davam edir.

AGF-nin 7 saylı nümayəndəliyində yunan-Roma güləşçiləri mübarizə aparıb. Gəncə Olimpiya İdman Kompleksində keçirilən təsnifat yarışlarında yunan-Roma güləşi üzrə 95 pəhləvan iştirak edib.
Yunan-Roma güləşi yarışlarında Əli Həsənov (42 kq, Qazax), İzzət Süleymanov (46 kq, Gəncə), Yadigar Mövlayev (50 kq, Goranboy), Tural Hüseynov (54 kq, Şəmkir), Mehman Rzazadə (58 kq, Qazax), Elmir Məmmədov (63 kq, Gəncə), Musa Hümbətov (69 kq, Şəmkir), Ayxan Səfərov (76 kq, Gəncə), Etibar Məmmədov (85 kq, Gəncə), Taleh İsmayılov (100 kq, Gəncə) qalib olublar.
7 saylı nümayəndəlikdə sərbəst güləş yarışları isə, 12-13 sentyabrda baş tutacaq.