Qadın güləşi üzrə yığmamızın üzvü Olesya Zamula (63 kq) Pekində keçirilən birinci Ümumdünya döyüş sənəti oyunlarında uğurla çıxış edib.
Olesya Zamula ilk olaraq qrupda İspaniya təmsilçisi İren Qarsiyaya (5:0, 8:0) və Kanadalı Steysi Anakaya (2:0, 1:1) qalib gəlib, yalnız polşalı Paulina Qrabovskayaya (4:4, 1:3) məğlub olub. Buna baxmayaraq finala yüksəlib.
Finalda ABŞ nümayəndəsi Amberi Montqomeriyə (4:2, 6:0) qalib gələn Olesya Zamula qızıl medal qazanıb.