Azərbaycan Gənclərinin Avropaya İnteqrasiyası Təşkilatı (AGAT) və BDU-nin Tələbə Gənclər Təşkilatı ilə birgə əməkdaşlığı nəticəsində bugün Bakı Dövlət Universitetində sosiologiya, politologiya, fəlsəfə və psixologiya ixtisasları üzrə təhsil alan gənclərin iştirakı ilə Sosial Elmlər Klubu yaradıldı. Klubun yaradılmasında məqsəd aktual elmi problemlərin, araşdırmaların aparılması üçün tələbələr arasında bilik, informasiya mübadiləsinin, müzakirələrin həyata keçirilməsidir. Eyni zamanda klubun fəaliyyəti çərçivəsində ölkəmizdə ictimai-siyasi məsələlərə yönəlik təkliflər və ideyalar hazırlayıb aidiyyatı qurumlara təqdim olunmasını özündə ehtiva edir.
   Tədbiri giriş sözü ilə açan sosial elmlər və psixologiya fakultəsinin dekan müavini Üzeyir Şəfiyev klubun Azərbaycanın ictimai-siyasi həyatında önəmli bir addım olduğunu vurğuladı. Bildirdi ki, AGAT və TGT-nin birlikdə belə təşəbbüsü mütərəqqi bir hal kimi qiymətləndirilir.
Daha sonra cıxış edən BDU-nun TGT sədri Məmmədbağır Məmmədov klubun məqsədləri və vacibliyi barədə danışdı. Bu  klubun hər bir gənc üçün faydalı və əhəmiyyətli olacağını söylədi.
Sonda AGAT-ın sədri Gülsel Səfərova Sosial Elmlər Klubunun gələcəkdə qanun layihələrinin hazırlanmasında və ölkəmizdə prioritet məsələrlə bağlı müzakirələrin təşkil olunması ilə bərbabər, klub çərçivəsində dövlət qurumları ilə əməkdaşlığın istiqamətləri barədə də məlumat verdi. O, qeyd etki, muzakirələr ölkəmizin siyasi və ictimai elitasının iştirakçılığı ilə baş tutacaq, ideyalar yazılı şəkildə protokollaşdırılacaq.
Klubun ilk sessiyası yanvar ayının sonuna planlaşdırılır.