Azərbaycan Respublikasının Gənclər və İdman Nazirliyinin təşkilatçılığı ilə “Novruz etüdləri” adlı rəsm müsabiqəsinin keçirilməsinə start verilib. Müsabiqənin keçirilməsində məqsəd, tələbələri milli adət-ənənələrlə yaxından tanış etmək, yaradıcı və istedadlı gəncləri aşkar etmək, onlara dövlət qayğısını artırmaqdır. 

Müsabiqədə iştirak etmək üçün əsas şərtlər:

1. Müsabiqədə yalnız ali və orta ixtisas təhsili müəssisələrinin tələbələri iştirak edə bilər.

2. Müsabiqədə iştirak etmək istəyənlər aşağıdakı sənədləri mart ayının 13-dək Gənclər və İdman Nazirliyinə və ya Tələbə-Gənclər Təşkilatına təqdim etməlidirlər:

- İştirakçı vərəqi
- Tələbə biletinin surəti
- Şəxsiyyət vəsiqəsinin surəti

3. Rəsmlər qrafika və rəngkarlıq janrında - (karandaş, tuş, kömür, sulu və yağlı boya, həmçinin qarışıq texnika ilə işlənə bilər). Rəsmlər yalnız A3 (40 x 30 sm) və ya A4 (20 x 30 sm) ölcülərdə qəbul olunur.Yağlı boya ilə işlənmiş tablolar orta ölcüdən (60 x 80 sm) yuxarı olmamalıdır. Hər iştirakçı yalnız 3 iş təqdim edə bilər.

4. Müsabiqənin nəticələri və qaliblərin mükafatlandırılması mart ayının 17-də saat 15.00-da “Abşeron” rəsm qalereyasında keçiriləcək yekun sərgidə elan ediləcəkdir.

Əlavə məlumat üçün:
Gənclər və İdman Nazirliyinin Tələbə və tələbə təşkilatları ilə iş sektoruna və yaxud təhsil müəssisəsinin Tələbə-Gənclər Təşkilatına müraciət edə bilərsiniz.

Ünvan: Bakı şəhəri, Olimpiya küç, 4
Əlaqə tel: (012) 465-64-43
(050) 222-34-74

E-mail: tgt01@ mail.ru